ISOLATIOUNSMATERIAL

HISS REET

Stréidiecher ginn et zënter enger hallwer Éiwegkeet. Um Bodensee an Däitschland stunge schonn viru ronn 6.000 Joer Haiser mat engem Stréidaach…an och haut nach ginn Haiser op dës schéin traditionell Art a Weis gedeckt. Dee Schilf oder Reet gëtt awer nit just um Daach benotzt, mee fënnt och als Clôture, als "Liegematte", Sonnepräbbeli oder als sougenannte "Putzträger" fir Leembotzer séng Supporter. Hiss Reet besteht zënter 1833 a gehéiert zënterhier zu deene gréissten Händler an Däitschland. Schilfmatten ginn zënter Laangem an der ökologëscher Innendämmung benotzt. Mat engem Lehmbotz driwwer, oft mat Wandheizung kombinéiert ass dat eng super gesond an ökologesch Isolatioun an Heizung. Holzfaserdämmplacken ersetzen de Schilfrohr ëmmer méi, och well den Isolatiounswert besser ass. Mee als renge Putzträger ass déi 70-stengeleg Schilfrohrmatte nach ëmmer oniwwertraff an erméiglecht et Holzbalken anzekleeden an ze verbotzen, oder, wéi beim Stréibau üblech, wonnerschéi ronn Fënsterlaibungen ze realiséieren. Een absoluten highlight awer ass d'Akustikelemnt wat iwwert dem Comptoir am Naturbaustoff hängt. Dat muss Dir Iech ukucke kommen. Ee bijou...
HISS REET
https://www.hiss-reet.de/

REDSTONE

Wann et ëm Fiichtegkeet, Salpéiter oder Schimmel geet, féiert fir mech kee Wee laanscht Redstone. Fir all Problemfall hunn sie déi passend Léisung. Mat der Dämplatte pura ass et méiglech héicheffizient Innendämmungen ze maachen ouni de Risiko vu Schimmel mussen anzegoen. Déi komplett mineralësch an diffusiounsoppen Schaumplatte erméiglecht et problemlos an einfach vu bannen ze isoléieren. Sollt awer eng Kéier méi Fiichtegkeet ustoen sollt een op Kalziumsilikatplacken iwwergoen. Dës kënnen enorm Quantitéiten u Fiichtegkeet ophuelen a nees ofginn, soubal d'Raumloftfiichtegkeet dëst erlaabt. Oft demonstréieren ech déi eenzegaarteg Fähegkeet vun dëse Kalziumsilikatplacken am Buttek. Et ass wierklech fir ze staunen. Wann de Schimmel awer schonn do ass, an dat ass eben oft de Fall, muss dësen fir d'éischt eweg gemaach ginn. An och dofir huet Redstone verschidde Produkter, vum Schimmelbeseitiger zum Sporenvernichter. An alles absolut verträglech fir de Mënsch. Sollt Dir Salpéiter hunn, kann och dësen eliminéiert ginn. Horizontalsperre fir selwer ze maachen, Entfeuchtungs- oder Sperrputz. Et ass kloer dass mat Redstone-Produkter keng Plaz méi fir Fiichtegkeet, Salpéiter, Schimmel oder och just kal Baussewänn ass.
REDSTONE
https://www.redstone.de/

THERMO-NATUR

Hanf ass eng Planz déi ouni Pestiziden an Düngemëttel auskënnt. Dat ass de Grond firwat dës Planzen (niewt Miscanthus a Fluess) esou gär a Waasserschutzgebidder ugeplantzt ginn. Och zu Lëtzebuerg gëtt Hanf ëmmer méi beléift, an dat nit nëmmen aus Party-Grënn. Hanf gëtt nämlech souwuel an der Textiliundustrie wéi an der Automobilindustrie benotzt. An als Isolatiounsmaterial ass et och scho laang bekannt. ThermoNatur produzéiert nieft der Hanfdämmung awer och Jutedämmung. Dës staamt aus ale Kaffissäck, déi recycléiert ginn. Dës Kaffissäck goufe soss nom éischte Gebrauch verbrannt. No a no gouf versicht d'Faseren aus de Säck erauszesortéieren an der Hanfdämmung bäizemëschen...mat engem erstaunleche Resultat: D'Isolatiounswierkung vun der Hanfdämmung huet sech esouguer verbessert. Vun deem super Resultat inspiréiert gouf weider getüftelt an haut produzéiert ThermoNatur eng Jutedämmung déi zu 100% aus Jutefaseren besteet. Topp Dämmwierkung a subventiounsfäheg nom lëtzebuerger primeHouse-Reglement. ThermoHanf an ThermoJute fannt Dir also bei eis zu Réiden am Naturbaustoff. Bis geschwënn...
THERMO-NATUR
https://www.thermo-natur.de/

Udi Dämmsysteme

Mir mussen op ee Wee wou nit méi all Material mateneen verpäscht gëtt. A genau dat huet sech Udi Dämmsysteme zu Häerz geholl an d'Udi RECO entwéckelt. Dës Dämmplack besteet aus zwee Deeler: enger verbotzfäheger méi fester Holzfaserplack kombinéiert mat enger mëller Holzwoll. An dës Holzwoll soll sech dem Ënnergrond upassen. Virun allem bei der Innendämmung ass et enorm wichteg dass kee Huelraum tëschent der kaler Baussemauer an der Dämmplack entsteet..hei giff sech soss Kondenswaasser bilden...an duerno Schimmel. Udi Dämmsysteme huet awer nach aner innovativ Placken op Holzfaserbasis. Sou zum Beispill d'Udi IN 2cm. Eng 2cm dënn Holzfaserplack déi, mat enger Wabenstruktur aus Karton eng einfach Méiglechkeet bidd, fir kal Baussemaueren méi waarem ze kréien. Oder d'Udi climate. Ee Sandwich-Element, bestehend aus engem Karton-Wabenstruktur-Kär déi op béide Säiten mat enger Holzfaserplack kombinéiert ass. Dës nëmmen 3cm déck Plack fonktionéiert ganz gutt fir einfache Schallschutz vis-à-vis vum Nopeschraum ze verbesseren. Udi Dämmsysteme bidd deemno genau dat, wat déi aner grouss Holzfaserhiersteller net maachen. An dat mëcht dësen Hiersteller zu engem wichtegen Deel vum Naturbaustoff Réiden.
Udi Dämmsysteme
https://udidaemmsysteme.de/

VARIOTEC

Vakuum isoléiert immens gutt. D'Thermoskan beweist dat. Abee, et ginn och Vakuumisolatiounsplacken. A well Vakuum esou immens gutt isoléiert (5 x esou gutt ewéi normal Dämmstoffer), kënne Vakuumdämmplacken eben och 5 x méi dënn ausgefouert ginn, an awer gëtt dee selwechten Isolatiounswert erreecht. Hannert Raffstorkëschten oder bei filigranen Dachgauben deen idealen Dämmstoff.
VARIOTEC
http://www.variotec.de/

BEST WOOD SCHNEIDER

Bei Bestwood Schneider kritt ee quasi Alles wat een sech aus Holz virstelle kann, Schnëttholz, KVH Konstruktiounsvollholz, Leimbinder a Massivholzdallen, awer och déi klassësch zerfasert Einblasdämmung, flexibel Holzwoll a fest Holzfaserdämmplacken. An all dës Dämmstoffer ginn am sougenannten Trockenverfahren hiergestallt a sinn dofir och primeHouse-subventiounsfäheg. Mat der Holzwoll Flex 50 kann een z.B. selwer tëschent Holzgespärer isoléieren oder de Schallschutz tëschent zwou hëlzen Dallen verbesseren. Mat der Wall 140 an 180 kann een op een Holzstänner, vun z.B. Holzhaiser vu baussen isoléieren. Mat der virverbotzter Wall 180 ass esouguer schonn een éischte Botz op der Plack an de "Wetterschutz" schonn iwwert eng gewëssen Zäit garantéiert. A mat deem Ënnergrond gëtt all Façadier eens, och déi, di keng Erfahrung mat Holzfaser hunn. A fir den Daach bidd Bestwood Schneider d'Top a verschiddenen Déckten an Densitéiten un. Esou ass och de sommerliche Hitzeschutz keen Hexewierk méi.
BEST WOOD SCHNEIDER
https://www.schneider-holz.com/holzfaserdaemmplatten.html

ISOLENA

Schofswoll ass schon een extra Dämmmaterial. A déi vun Isolena huet direkt 2 ganz aussergewéinlech Aussergewéinlechkeeten. Als Motteschutz schafft Isolena net mat iergendengem Gëft, wéi anere Hiersteller dat maachen mee si notzen eng Zort Ioniséierung fir hier Schofswoll viru Motten ze schützen. Zertifizéiert an absolut verträglech fir de Mënsch. An als zweet Aussergewéinlechkeet stecht lëtzebuerger Schofswoll drënner. Lëtzebuerger Schofswoll gëtt nämlech hei gesammelt, zu Verviers an der Belsch (sou wéi iwwregens alleguerten d'Schofswoll an Europa) gebotzt an dann an Éisterräich zu Isolatiounsmaterial weiderverschafft. An do, zu Weizenkirchen an Éisterräich gëtt lëtzebuerger Schofswoll ënnert déi aner gemëscht. Wat Schofswoll esou eenzegarteg ënnert de natierlechen Isolatiounsmaterialien mëcht ass séng Kapazitéit eorm Quantitéiten Fiichtegkeet opzehuelen ouni dobäi un Isolatiounsfähegkeet nozeloossen. Schofswoll isoléiert nit nëmmen immens gutt am Wanter géint d'Keelt mee och super am Summer géint d'Hëtzt...Schof ginn et schliesslech souwuel an de kale Bierger wéi an der waarmer Wüst. Dofir bidd sech Schofswoll als "Stopfwolle" tëschent Mauerwierk a Fënster un, als Trittschalldämmung ënnert Ärem Parquet oder als Isolatioun am Daach. A ganz speziell sinn d'Akustikplacken aus Schofswoll...déi sin einfach nëmme wonnerschéin. An am Naturbaustoff zu Réiden ze fannen...
ISOLENA
https://www.isolena.at/