DRËCHESCHÜTTUNG

CEMWOOD

Cemwood si mat Zement emmmantelt Holzspéin. Dës mineralesch Ëmmantelung erlaabt et cemwood kee Problem mat Fiichtegkeet ze hunn. Duerch déi speziell Form verkrallen déi eenzel Holzspéin immens gutt ënnerteneen a mecht se esou drockbestänneg. Et kann een tëschent 3 verschiddene "Körnungen" wielen. der CW2000 fir Schütthéichten bis 20cm. CW1000 mat méi feiner "Körnung" fir Schütthéichten bis maximal 6cm oder CW020 fir klengsten Onreegelméissegkeeten auszegläichen. CW020 kann ee quasi bis op 0 auszéihen.
CEMWOOD
https://www.cemwood.de/

FIBOEXCLAY

Das ech mech a Leem verléift hunn ass zënter der éischter Säit hei um Site bekannt. Abee, hei een zousätzleche Produit op Basis vu Lehm. An engem speziellen Uewen entsteet bei fiboexclay aus Leem sougenannten Blähtoun. Bei ronn 1.200°C bléist sech den Toun op an eng porös Struktur bild sech déi isoléiert. Duerch déi gebrachen Form léisst sech Blähtoun gutt verdichten an ass zudeem onproblematesch bei Fiichtegkeet. Nieft der Trockenschüttung kann een de Blähtoun och mat Zement oder Leem bannen fir eng souganannten "gebundene Schüttung" ze erhalen. Och fir Huelräim ze verfëllen, als Planzensubstrat (Seramis) oder Winterstreu ass Blähtoun ze gebrauchen. An alles dat ass am Naturbaustoff ze fannen.
FIBOEXCLAY
https://www.fiboexclay.de/de/home/

RECYCORK

Et geet bal näischt iwwer gudde Wäin…d'Liewen ass anscheinend ze kuerz fir schlechten… Et ass de Kork deen de Wäin a sénger Fläsch hällt…a genau dee Kork gëtt bei recycork recycléiert. An engem atelier protégéan der Belsch entsteet Korkschrot aus ale Korkstëpp. Perfekt fir Huelraim ze verfëllen, perfekt als Schalldämmung, a mat e bessi Chance nach mat enger Grimmel Wäindoft... Dofir sammele mir kräfteg mat. Ee super flott Material mat enger mega sozialer Geschicht.
RECYCORK
http://www.recycork.be/fr

JASMIN

Papeierzellulose an Holzfaserdämmung sinn d'Klassiker bei der "Einblasdämmung". Konkurrenzlos gënschteg, perfekt verfëllt a mat engem relatif gudde sommerlëchen Hitzeschutz ginn si oft a Kombinatioun mat enger méi schwéierer "Aufdachdämmung", och aus Holzfaser, am Daachberäich agesat. Fir Puristen allerdéngs stéiert do d'Borsalz wat deem ganzen dee néidege Brandschutz gëtt. Jasmin Holzfaserdämmung benotzt kee Borsalz mee Leem als Brandschutz. A géigeniwwer der klassëscher Konkurrenz déi bei 40-55kg/m³ Densitéit läit, schwätze mir hei vu ronn 80kg/m³. Dat ass Masse! An dat ass et och wat virun ëmmer méi waarme Summeren schützt. Fir mech ee super Produit vun engem richteg coole Pionéier. Et gëllt dëse Produit méi breed ze notzen.
JASMIN
https://www.holz-lehmhaus.eu/

LEMIX BALLASTPLATTEN

Jiddereen kennt de Problem: ënnert dem Daach geet een am Summer futti vun Hëtzt. Firwat ass dat esou? Majo et feelt ganz einfach u Masse. Dat wat eis an engem ale Bauerenhaus zugutt kënnt, nämlech déck a schwéier Maueren, feelt ënnert engem Daach komplett. Et gëllt also Masse anzebauen. Lemix Leembauplacken oder Ballastplacken fir op de Buedem kënnen do enorm hëllefen.
LEMIX BALLASTPLATTEN
https://lemix.eu/produkt/Ballastplatte

CLAYTEC

Claytec produzéiert bal alles wat een sech aus Leem virstelle kann…an eben och Produkter fir drëchen anzebauen, wéi z.B. Schüttungen oder sougenannte Grünlingen. Leemsteng déi een zum Bau vun enger Leemmauer benotze kann oder awer als Masse z.B. tëschent enger Holzdalle. Fir méi Konfort am waarme Summer.
CLAYTEC
https://www.claytec.de/de/produkte/mauerwerk_stampflehm_terrazzo